په کابل کې د ایران له سفیر سره د کانونو او پټرولیم وزارت سرپرست لیدنه
د کانونو او پټرولیم سرپرست وزیر شېخ الحدیث شهاب الدین دلاور د پلان او پالیسۍ مرستیال شېخ ضیاء الرحمن الاریوبي او د مالي او اداري مرستیال مولوي حسام الدین صابري په شتون کې په افغاستان کې د ایران له سفیر ښاغلي بهادر امینیان سره د سه شنبې په ورځ د ۲۴/۸/۱۴۰۱ نېټې ورسره ولیدل.
د کانونو او پټرولیم سرپرست وزیر مېلمنو ته د ښه راغلاست ترڅنګ یې افغانستان او ایران د دیني او کلتوري مشرکاتو او ښې او اږدمهاله اړیکو له پلوه ښه ګاونډي او دوستانه هیوادونه وبلل او وویل: چې افغانستان د مس، اوسپنې سره زرو، سرپ و جست او د نفت او ګازو په څېر زیاتې طبعي زېرمې لري. اوس چې په افغانستان کې پوره امنیت رامنځته شوی ایراني پانګوال چې کوم علمي او تخنیکي ظرفیتونه لري کولی شي د هیواد د کانونو په بېلابېلو برخو کې پانګونه وکړي.
په افغانستان کې د ایران سفیر ښاغلي بهادر امینیان هم د افغانستان د کانونو او پټرولیم له سرپرست وزیر سره د ایران د اسلامي جمهوریت د همکاریو په اړه خبرې وکړې او وویل: د ایراني لوی شرکتونه د افغانستان د کانونو په بېلابېلو برخو کې پانګونې ته لېواله دي او له یاد وزارت سره د کان کېندنې په برخه کې هر ډول مرستې او همکارۍ ته چمتو دي.
