کانونو او پټرولیم وزارت سرپرست وزیر ښاغلي عنایت الله مومند د اروپايي اتحادیي د استازو سره وکتل
کانونو او پټرولیم وزارت سرپرست وزیر ښاغلي عنایت الله مومند د اروپايي اتحاديي استازو سره په خپل کاري دفتر کې وکتل؛ د دې لیدنې هدف د نړیوالو همکارانو او شرکاو سره د افغانستان د صنایع استخراجي سکټور په لمړیتوبونو او پرمختګونو خبرې وشوي.
ښاغلي عنایت الله مومند راغلي پلاوي ته وویل، مونږ اوسمهال د صنایع استخراجي سکټور د پروژو لپاره د کان کیندنې مقررې مسوده نهایی کړې او ډير ژر به د افغانستان اسلامي جمهوریت کابینې ته د وړاندې شي او د منظوریدو وروسته به وتوانیږو چې هغه پروژې چې مونږ يي پروسې پرمخ وړي ډير ژر لاسلیک کړو.
هغه زیاته کړه مونږ نه یوازې د اروپايي اتحاديي تعهداتو ته ژمن یو بلکې د ټولو بینالمللی شرکاوو غوښتنې چې د صنایع استخراجي سکټور د پرمختګ سبب ګرځي توجه کوو.
ښاغلي مومند وویل، هغه تعهدات چي د صنایع استخراجي سکټور د پایداره پراختیا او پدې سکټور کې د ظرفیت جوړونې برخه کې دي؛ د عملي کیدو په درشل کې دي.
د اروپايي اتحاديي استازو وویل، مونږ د صنایع استخراجي سکټور سره همکاره یو ترڅو د پایداره اقتصادي ودې لپاره زمینه برابره شي؛ مونږ به تخنیکي او ظرفیتي برخه کې خپلو مرستو ته دوام ورکړو ترڅو د دې سکټور په مقابل کې پرتې ستونزې حل شي.
#کانونو_او_پټرولیم_وزارت #MoMP
