د قوانینو او پالیسیو او د هغې د تطبیق د څارنې تر عنوان لاندې روزنیز پروګرام ګډونوال پر ستاینلیکونو وستایل شول

د اصلاحاتو او ملکي خدمتونو د ادارې په همغږۍ د مرکزي ریاستونو د دویم او دریم بستونو 60 تنو کارکوونکو ته د قوانینو او پالیسیو او د هغې د تطبیق د څارنې تر عنوان لاندې روزنیز پروګرام چې د یکشنبې په ورځ د 21/6/1401 نېټې د یوې اونۍ لپاره پېل شوی وو نن د تصدیقنامو په ورکولو سره پای ته  ورسید.
د یاد پروګرام په مناسبت چې د کانونو او پټرولیم وزارت د غونډو په تالار کې که غونډه جوړه شوې وه، د کانونو او پټرولیم وزارت سرپرست وزیر شېخ الحدیث شهاب الدین دلاور، معینانو، د ادارې اصلاحاتو او ملکي خدمتونو ادارې رئیس مولوي عبدالحنان عارف الله، د چارو ادارې د پالیسیو او څارنې مرستیال او سرپرست رئیس مولوي سیف الدین تائب، رئیسانو او یو شمېر کار کوونکو په کې ګډون کړی وو.
د کانونو او پټرولیم وزارت سرپرست د ادارې اصلاحاتو او ملکي خدمتونو اداري رئیس او کار کوونکو څخه منن ه وکړه او وویل: هیله من یم چې په دغه یوه اونۍ کې مو زیاتې لاسته راوړنې او تجربې تر لاسه کړي. او هیله یې څرګنده کړه چې دا ډول ښوونیزو پروګرامونو لا زیات جوړ او تطبق کړل شي. 
د ادارې اصلاحاتو او ملکي خدمتونو ادارې رئیس مولوي عبدالحنان عارف الله د کانونو او پټرولیم وزارت له همکارۍ څخه مننه وکړه او زیاته یې  کړه: خوښ یم چې دغه روزنیز پروګرام مو د یاد وزارت د بشري منابع د ریاست په همغږي د کارکوونکو د پوهاوي کچې لوړولو په موخه جوړ کړی وو او له هغو تجربو څخه چې د یاد پروګرام په مختلو برخو کې مو زده کړي په راتلونکي کې ښه استفاده وکړئ. 
او همدارنګه د پروګرام په پای کې هغو ټولو کار کوونکو ته چې په یاد پروګرام کې له پیل څخه تر پای ګډون کړی وو تصدیقنامې ورکړل شوې. ګډنوالو د دا ډول پروګرامونو له جوړولو څخه مننه وکړه او ژمنه یې وکړه چې له دغه پروګرام څخه د تجربو لاسته راوړلو څخه به سمه استفاده کو او په راتلونکي کې ورته پروګرامونو جوړولو غوښتونکي یو.