د کاډسټر او منرالونو تنظیم عمومي ریاست ته د نوي رئیس معرفي کېدل

د کانونو او پټرولیم وزارت د 933 شمېرې د وړاندیز او د افغانستان اسلامي امارت د ریاست الوزرا د 821 شمېرې د حکم پر اساس د مالي او اداري مرستیال ښاغلي مولوي حسام الدین صابري او د جیولوجي سروې مرستیال له لوري د رئیس دفتر، بشري سرچینو رئیس او د پلان ارزونې او څارنې رئیس په شتون کې ښاغلی حافظ انجنیر فرید برات زی د کاډسټر او منرالونو تنظیم عمومي رئیس په توګه د یاد ریاست کار کوونکو ته نن چهار شنبه 27/7/1401 نېټې ورمعرفي کړ. 
حافظ انجنیر فرید برات زی له دې وړاندې د یاد وزارت د کوچني کانونو د قراردادونو تطبیق رئیس په توګه دنده تر سره کوله. د یادونې وړ ده چې ښاغلی برات زی د قرانکریم حافظ، عالم دین او همدارنګه د انجنیرۍ په برخه کې د ماسټرۍ تر کچې زده کړې کړي دي.