د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه د مالي او اداري مرستیال مولوي حسام الدین صابري، ریئسانو او د بېلابېلو برخو استازو د کار د چټکتیا او رونډوالي په موخه نن چهارشنبه د ۲۱/۴/۱۴۰۲ نېټې د کنفرانسونه په تالار کې ترسره شوه.
په پیل کې د کانونو او پټرولیم وزارت سرپرست د مسؤولانو وظیفوي مسؤولیتونو او مکلفیتونو په سمه توګه ترسره کولو باندې تاکید وکړ او ویې ویل: مسوولین باید خلکو ته د کار او خدمت رونټیا په برخه کې لا زیاتې همکارۍ او همغږۍ ته پاملرنه وکړي.
همدارنګه د بېلابېلو موضوعاتو تر څنګه یې د ازاد سیالۍ له لارې د متخصصو کسانو ګمارلو په اړه بحث او نظرونه شریک کړل او لازم تصمیمونه یې ونیول.
د غونډې په پای کې د کانونو وزارت سرپرست د ګډونوالو نظرونه او غوښتنې واورېدې او د هغوی د ستونزو د حل لپار یې لازمې سپارښتنې وکړې.
