د کانونو او پټرولیم وزارت سرپرست د افغان ـ جرمن پيوستون ټولنې له رئیس سره ولیدل

د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ د 15/7/1402 نېټې د افغان ـ جرمن پیوستون ټولنې له رئیس ښاغلي احمدالیاس عمر او د افغان ـ جرمن د صنایعو او سوداګرۍ خونې له سرپرست رئیس ذکریا احمدي او مل پلاوي سره په خپل کاري دفتر کې ولیدل.
په دغه لیدنه کې دواړو لورو په بېلابېلو موضوعاتو په ځانګړې توګه، په افغانستان کې د تحولاتو، د پانګونې شته فرصتونو، د سرتاسري امنیت شتون او همدارنګه د سوداګرۍ په پراختیا، افغانستان ته د پانګونې جذبول، معیاري کول، د ډبرو سکرو کیفیت تعینولو په اړه بحث او نظرونه شریک کړل.
په پای کې د افغان ـ جرمن پیوستون ټولنې په اقتصادي، تخنیکي، مشورتي او د بهرنیو پانګوالو په ځانګړې توګه د جرمنیانو جذبولو په اړه د همکاریو ډاډ ورکړ.