د لغمان ولایت د کانونو د ساتنې کمېټې غونډه ترسره شوه
د لغمان ولایت د کانونو د ساتنې کمېټې غونډه د یاد ولایت د کانونو د رئیس انجنیر نجیب الله په مشرۍ چې پکې د کمېټې غړو ګډون کړی و ترسره شوه.
غونډه د قرآنکریم د څو مبارکو آیاتونو په تلاوت سره پیل شوه، ورپسې د کانونو رئیس د کانونو د ساتنې، څارنې او د غیر قانوني استخراج د مخنیوی او د یادې کمېټې د جوړښت په اړه خبرې وکړې ویې ویل: زموږ د کمېټې د جوړېدو موخه د کانونو د ساتنې، مدیریت او د غیر قانوني استخراج مخنیو دی دی، د خوښۍ ځای دی چې په لغمان ولایت د کانونو د قاچاق مخنیو شوی دی او هیچا ته ددې اجازه نه ورکوو، چې کانونه په خپل سر استخراج کړي.
په پای کې د کمېټې غړو د یاد ولایت د کانونو د ساتنې په موخه خپل نظریات، وړاندیزونه او حل لارې شریکې کړې او د لازمې همکاریو ژمنه یې وکړه.
