د کانونو او پټرولیم وزارت او افغان ګاز امارتي شرکت تر منځ هوکړه لیک لاسلیک شو
له شبرغان څخه مزارشریف ته د ګازو د انتقال لپاره د ۹۴.۵ کیلومتره نللکې د غځولو هوکړه لیک د کانونو او پټرولیم وزارت او افغان ګازو امارتي شرکت سره د سه شنبې په ورځ (1403/5/10) نېټې د پلان او پالیسي مرستیال شیخ ضیاءالرحمن الاریوبي او د افغان ګاز امارتي شرکت عمومي رئیس مولوي اختر محمد منصور ترمنځ لاسلیک شو.
د کانونو او پټرولیم وزارت د خلکو د اړ تیا وړ ګازو برابرولو په موخه د افغان ګاز امارتي شرکت په تخنیکي همکارۍ له شبرغان څخه تر مزارشریف ښار پورې د ۹۴.۵ کیلومټره په اندازه دنللکې د جوړولو کار پیل کړی چې ۶۵ کیلومټره بشپړ شوی او پاتې ۳۱ کیلومټرو چارې به یې هم بشپړې شي.
