د کانونو او پټرولیم وزارت اداري غونډه ترسره شوه
د کانونو او پټرولیم وزارت اداري غونډه د مالي او اداري مرستیال مولوي حسام الدین صابري په مشرۍ، په داسې حال کې چې د پلان او پالیسي مرستیال شیخ الحدیث ضیاء الرحمن الاریوبي او یو شمېر رئیسانو ګډون کړی و ترسره شوه.
غونډه د قرآن عظیم الشان د مبارکو آیتونو په تلاوت سره پیل شوه او د اجنډا له مخې مالي او اداري مرستیال د مسوولینو د دندو او مکلفیتونو په ښه ترسره کولو ټینګار وکړ ویې ویل: ټول کارکوونکي مکلف دي، چې له یو بل سره په بشپړې همغږۍ پوره روڼتیا او همکارۍ د چارو پرمخ وړلو کې هڅه وکړي.
ورپسې د وزارت د رهبري له لوري د ریاستونو وړاندیزونه او ستونزې واوریدل شوې او د چارو د لا ښه والي په موخه ورته لازمې لارښوونې وکړې.
په پاى کې د مهموچارو اړوند لازم تصميمونه ونيول شول او د بېلابېلو برخو لپاره لازمې لارښوونې او سپارښتنې وشوې.
