د نورستان ولایت د کانونو د ساتنې کمېټې غونډه ترسره شوه
د نور ستان ولایت د والي مرستیال مولوي فیصل مختار په مشرۍ د یاد ولایت د کانونو د ساتنې کمېټې غونډه د ولایت په مقام کې ترسره شوه.
په دغه غونډه کې د نورستان ولایت د بېلابېلو ریاستونو رئیسانو او استازو ګډون کړی و او د یاد ولایت د کانونو د غیرقانوني کیندنې، د قاچاق مخنیوی او د قیمتي ډبرو د پلور لپاره د مناسبو ځایونو پر جوړولو یې خبرې وکړې.
د نورستان ولایت د والي مرستیال وویل: کانونه د هېواد ملي شتمني ده د هغو ساتنې ته باید سمه پاملرنه وشي، هغه دغه راز د کانونو د معیاري کیندنې په موخه ټېنګار وکړ او دیادې غونډې ګډونوالو ته یې د کانونو په اړه بېلابېلې سپارښتنې وکړې.
په پای کې د کمېټې غړو د نورستان ولایت د کانونو د ساتنې په موخه د هر اړخیزې همکارۍ او همغږۍ پر دوام ټینګار وکړ.
