د کانونو او پټرولیم وزارت سرپرست د کابل له والي سره وکتل
د کانونو او پټرولیم وزارت سرپرست الحاج ملا هدایت الله بدري د شنبې په ورځ (۸/۱۰/۱۴۰۳) نېټې د کابل له والي الحاج مولوي امین الله عبید سره په خپل کاري دفتر کې وکتل.
په دې کتنه کې دواړو لورو په بېلابېلو موضوعاتو په ځانګړي ډول د پانګوالو د جلب او جذب، د کاني زېرمو د اغېزمن مدیریت، د کانونو د قاچاق او غیر قانوني استخراج د مخنیوي په اړه یې بحث او خبرې وکړې. د کابل والي د کابل د کانونو د قراردادیانو ستونزې د کانونو او پټرولیم وزارت له مشرتابه سره شریکې کړې.
د کانونو او پټرولیم وزارت سرپرست د هغوی له راتګ څخه مننه وکړه او ډاډ یې ورکړ، چې د کانونو د قانون او کړنلارې سره سم به د یادو ستونزو د حل لپاره لازم اقدامات ترسره شي.
