د کانونو او پټرولیم وزارت بین الوزارتي غونډه ترسره شوه
د کانونو او پټرولیم وزارت د پلان او پالیسي مرستیال شیخ الحدیث ضیاءالرحمن الاریوبي په مشري د کانونو او پټرولیم وزارت د غونډو په تالار کې بین الوزارتي غونډه د اقتصادي معاونیت، ټولګټو، مالیي، اوبو او انرژۍ وزارتونو، د برښنا، د فرامینو او احکامو لویو ریاستونو د استازو په ګډون ترسره شوه.
په دغه غونډه کې د کانونو له عوایدو څخه د ملي پروژو د پلي کېدو پر څرنګوالي، د کاني پروژو ورکړه د کانونو او پټرولیم وزارت د کړنلارې او تدارکاتي اصولو مطابق او د مالیې وزارت له لوري د کانونو د عوایدو څخه د ملي پروژو د تمویل لپاره د یو ځانګړې کوډ په جوړولو باندې یې بحث او خبرې وکړې.
