د کانونو او پټرولیم وزارت سرپرست د ۷۷ ترکي ودانیز شرکت له مرستیال سره وکتل
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ د ۱۴۰۴ کال د چنګاښ میاشتې په ۸مه نېټه په خپل کاري دفتر کې د ۷۷ ترکي ودانیز شرکت له مرستیال براق انسال سره وکتل.
د ۷۷ ترکي ودانیز شرکت مرستیال د جوزجان د یتیم تاق سمنټو پروژې د اکتشافي کارونو، د هستوګنې د کمپ د رغولو او راتلونکو پلانونو په اړه یې خبرې وکړې.
د کانونو او پټرولیم وزارت سرپرست د یادې پروژې د چارو په اړه خوښي څرګنده کړه ویې ویل: افغان حکومت د یتیم تاق سمنټو پروژې پلي کېدو ته ژمن دی دغه راز یې د چارو په چټکتیا ټینګار وکړ.
