جیولوجیکي ساحوي ټیم د تخار ولایت د ورسج او کلفګان ولسوالیو د سنګآب، انوی او دشت رباط سیمو ته د مرمرو او ګچو د پلټنی په موخه
د هیواد طبیعي زیرمې د ملي ګټو له بې ساري او بې بدیلو سرچینو څخه شمېرل کېږي. د افغانستان د جیولوجيسروې تل هلېځلې کوي تر څو هغه طبیعي زیرمې چې لاهم د ځمکې لاندې پټې او خوندي پاتې دي راوسپړي، او د کشف شويو کانونو په جدول کې یې ور زیات کړي.
د افغانستان د جیولوجيسروې د خپلو ساحوي څیړنو پر دوام داځل یو جیولوجیکي ساحوي ټیم د تخار ولایت د ورسج او کلفګان ولسوالیو د سنګآب، انوی او دشت رباط سیمو ته د مرمرو او ګچو د پلټنی په موخه لیږلی. یاد ټیم د جیولوجیکي قوانیونو پر بنسټ څیړنې پیل کړي او د تحقیق په ترڅ کې یوشمېر جیولوجیکي فعالیتونه، چې د کان او کاني نښو د پلټنې لپاره اړین دي سرته رسولي چې په لاندې ډول دي:
- د جیولوجیکي تګ لارو پلي کول
- د تفحصاتي خط السیرونو پلي کول
- د مشاهداتي ټکو څخه د کوردیناتو اخیستل
- د ګټورو پوړونو د ظاهري پنډوالي معلومول
- د لابراتواري تجزیو لپاره نمونې اخیستل
- د ګټور پوړونو کنتور بندي
د یاد ټیم لاس ته راوړنې څلور جیولوجیکي-لیتولوجیکي او د حقیقي موادو نقشې، سکیچونه، جیولوجیکي راپورونه او داسې نور ضمایم دي.
د یادولو وړ ده چې د یادو سمیو ګچ او مرمر سپین رنګ لري او د ښې بلاک بندي، کمیت او کیفیت څخه برخمن دي.
#کانونواوپټرولیموزارت #MoMP
