د زابل ولایت له والي سره د کانونو او پټرولیم وزارت سرپرست لیدنه:
د کانونو او پټرولیم وزارت سرپرست ښاغلي شېخ الحدیث شهاب الدین دلاور نن چهار شنبه 28/10/1401 نېټې د زابل ولایت له والي ښاغلي مولوي قدرت الله ابوحمزه سره په خپل کاري دفتر کې ولیدل.
د کانونو او پټرولیم وزارت سرپرست او د زابل ولایت والي په دغه ناسته کې د بېلابېلو موضوعاتو تر څنګ د زابل ولایت د معدني زیرمو او د یاد ولایت د معدني ساحو چې مخکې د کانونو او پټرولم وزارت لخوا سروې شوې وې خبرې اترې وکړې.
همدارنګه د کانونو او پټرولیم وزارت سرپرست اړوندو مسوولینو ته لارښوونه وکړه، چې زابل ولایت ته د جیولوژیکي سروې ټیم ولېږي څو د هغو سیمو سروې وکړي، چې تر اوسه یې سروې نه ده شوې.
