د پورونو د کمیټې اونیزه غونډه ترسره شوه

د پور ورکونې کمېټې اونيزه غونډه د دوشنبې په ورځ د 1401/12/15 نېټې د مالي او اداري مرستيال مولوي حسام الدين صابري په مشرۍ د يادې کمېټې د غړو او د پور ورکوونکو شرکتونو د مسوولينو په شتون کې د مالي او اداري معينيت د غونډو په تالار کې تر سره شوه. 
په دې ناسته کې د وزارت د عوايدو د رياست له خوا د پورونو په اړه د لنډو معلوماتو  وړاندې کولو تر څنګ د کانونو او پټروليم وزارت له پوروړو شرکتو څخه د پورونو ترلاسه کولو  په اړه هم خبرې اترې وکړې. 
په پای کې د مالي او اداري مرستیال مولوي حسام الدین صابري له پور ورکوونکو شرکتونو څخه په ټاکلي وخت د کانونو او پټرولیم وزارت د پورونو ترلاسه کولو څرنګوالي په اړه د کمیټې غړو د نظریاتو، وړاندیزونو او د حل لارو له اوریدو وروسته ورته لازمې لارښوونې وکړې.