د کانونو او پټرولیم وزارت اداري غونډه تر سره شوه

د کانونو او پټرولیم وزارت اداري غونډه د سرپرست وزیر ښاغلي شیخ الحدیث شهاب الدین دلاور په مشرۍ د پلان او پالیسي مرستیال شیخ ضیاءالرحمن الاریوبي، تخنیکي مرستیال وحیدالله حلیمي، رئیسانو او د بېلابېلو برخو امرینو په ګډون نن چهارشنبه د 12/7/1402 نېټې تر سره شوه.
په دغه غونډه کې د MIS ریاست لخوا د څلورو نویو سیسټمونو د جوړولو او پلي کولو په اړه هر اړخیز معلومات وړاندې شول.
ورپسې د 1402 کال د پروژو د فعالیتونو له مخې د بودجې د پراختیا او مصرف په اړه د مالي او حسابي ریاست له خوا د پریزنټیشن له لارې د غونډې ګډونوالو ته معلومات وړاندې شوو.
غونډه د خېر دعا په ویلو سره پای ته ورسیده.