د کوچني مقیاس 8 ساحو کانونو داوطلبي ترسره شوه
د (فلورایټ،مرمر،نفرایټ، مسکویټ او رخام ډبرو) کانونه چې په کندهار، هرات، ارزګان، ننګرهار او لوګر ولایتونو کې شتون لري د رسنیو په شتون کې داوطلبي ترسره شوه.
د کانونو او پټرولیم وزارت سرپرست شیخ الحدیث شهاب الدین د لاور ياد کانونه چې مخکې اعلان ته سپارلي وو، نن پنجشنبه د ۲۲/۴/۱۴۰۲ د یو شمېر ریسانو ټاکلي هيئت او هغو شرکتونو استازو په ګډون چې د پروپوزلونو په ارزونه کې د داوطلبۍ شرايط پوره کړي وو دیوې رڼې پروسې په ترڅ کې د رسنیو په شتون کې یې داوطلبي ترسره شوه.
په یاده داوطلبي کې لاندې شرکتونه د پورته ذکرشوو کانونو ګټونکي اعلان شو.
１.د ابوبکر صدیق د کانونو داستخراج او پروسس شرکت د ننګرهار ولایت ګوشتې ولسوالۍ نرتنګي ساحې په لوړ قیمت د یو ټن رویالټي په (۳۰۰۰۰۰) ګټونکی شو.
２. د قندهار ولایت د نیش ولسوالۍ بارګانه ساحې فلورایټ کان ګټونکی شرکت د لعل محمد د کانونو داستخراج او پروسس شرکت چې (۶۰) سلنه ګټه به امارت ته ورکوي ګټونکی شو.
３.د ارکوزیا د کانونو د استخراج او پروسس شرکت د هرات ولایت چشت ولسوالۍ د جرتخته د زبرساحې د مرمر کان یو ټن رویالټي په لوړ قیمت (۱۵۵۰) افغانۍ ګټونکی اعلان شو.
４.د ارکوزیا د کانونو د استخراج او پروسس شرکت د هرات ولایت چشت ولسوالۍ د جرتخته د زبر دویمې ساحې د مرمر کان یو ټن رویالټي په لوړ قیمت (۱۶۵۰) افغانۍ ګټونکی اعلان شو.
５.د شرنګ نیک بابا شرکت د ارزګان ولایت د خاص ارزګان ولسوالۍ او سر سیمې مسکویت یو ټن رویالټي په لوړ قیمت (۳۱۲۵۵) افغانۍ ګټونکی اعلان شو.
６.د لعل محمد نصرت د کانو د پروسس او استخراج شرکت د هرات ولایت چشت ولسوالۍ د تجرمین سیمي د رخام ډبرو د یو ټن رویالټي په لوړ قیمت (۸۰۰۰) افغانۍ ګټونکی اعلان شو.
７.د لعل محمد نصرت د کانونو د پروسس او استخراج شرکت د هرات ولایت خاص کنړ ولسوالۍ کندلان سیمي د مرمر د یوټن رویالټي په لوړ قیمت (۲۵۰۰) افغانۍ ګټونکی اعلان شو.
８.د سپین غمي د کانونو د استخراج او پروسس شرکت د هرات ولایت خاص کنړ ولسوالۍ کندلان سیمې د مرمر د یوټن رویالټي قیمت( ۲۰۰۰) افغانۍ ګټونکی اعلان شو.
