په چین هېواد کې د افغانستان په کانونو کې د پانګونې فرصتونو په اړه پرزنټېشن وړاندې شو
د کانونو او پټرولیم وزارت هیئت چین ته د خپل سفر په ترڅ کې دیاد هېواد د کاني زېرمو د استخراج په کنفرانس کې له ګډون وروسته په دویمه ورځ د افغانستان په کانونو کې د پانګونې فرصتونو ترعنوان لاندې پرزنټېشن د وزارت ستر سلاکار انجنیر وحیدالله حلیمي او د مقام د دفتر عمومي رئيس الحاج معراج محمد معراج، د وزیر صاحب سلاکار خلیل الله صالح زاده له لوري د چین او نورو بېلا بېلو هېوادونو وزیرانو په شتون کې وړاندې شو.
په دغه پرزنټېشن کې د افغانستان د کاني زېرمو د ارزښت، نفت او ګازو، د پانګونې فرصتونو، بهرنیو پانګوالو او شرکتونو ته د پانګونې مناسب چاپیریال برابرولو او نورو بېلابېلو برخو باندې خبرې وکړې.
د یادونې وړ ده چې په دغه کنفرانس کې د 70 هېوادونو استازو ګډون کړی و او د کانونو په بېلابېلو برخو باندې بحث او خبرې وشوې.
