د چينا افغان ده يون لونګ شرکت ريئس سره د کانونو او پټروليم وزارت سرپرست ليدنه
د کانونو او پټروليم وزارت سرپرست شيخ الحديث شهاب الدين دلاور د چينا افغان ده يون لونګ شرکت ريئس او مل پلاوي سره نن دوشنبه د 1402/1/28 نېټې په خپل کاري دفتر وليدل.
په دې ليدنه کې د ياد شرکت ريئس د کانونو او پټروليم وزارت له مشرتابه څخه د مننې ترڅنګ د افغانستان د کانونو په برخه کې د پانګونې غوښتنه وکړه او زياته يې کړه چې موږ غواړو د فولادو پروسس فابريکې او نورو کانونو کې پانګونه وکړو.
د کانونو او پټرولیم وزارت سرپرست د افغانستان په کانونو کې د پانګونې په برخه کې لېوال پانګوالو ته ښه راغلاست وايو او وې ویل، کانونه د ټولو افغانانو هیله ده او د کانونو وزارت مکلف ده چې د کانونو د قانون له مخې د هېواد د کانونو قرارداد وکړي.
