د کانونو او پټرولیم وزارت سرپرست د خاکجبار او سروبي ولسواليو له مشرانو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور نن چهار شنبه د 28/4/1402 نېټې د خاکجبار او سروبي ولسواليو له مشرانو سره په خپل کاري دفتر کې ولیدل.
په دغه لیدنه کې د یادو سیمو مشرانو د وزارت د کارونو او برنامو ستاینه وکړه او غوښتنه یې وکړه چې د دوی ستونزو ته دې رسېدنه وشي.
د کانونو او پټرولیم وزارت سرپرست له هغوئ سره ژمنه وکړه چې د کانونو او پټرولیم وزارت رهبري به د هیواد د ټولو وګړو ستونزو ته رسېدنه او د ښه خدمت په وړاندې کولو کې له هیڅ ډول همکاريو ډډه ونه کړي.
