په لغمان ولایت کې د کانونو د غیرې قانوني کېندنې او ساختماني موادو د قاچاق د مخنیوي په پار اداري ناسته ترسره شوه.
د لغمان ولایت اداري مجلس نوبتي غونډه په لومړي سرکې د کانونو ریاست د اجنډا د موضوع سره سم د دې ولایت د هغې هوکړې پربنسټ چې په کال (٢٠\٦\ ١٣٩٦) د اقتصاد عالي شورا لخوا تصویب شوي، کوم چې څلور مادې او پنځه نقلونه لري، اوږد بحث ترسره شو.
غونډه د لغمان ولایت د والي مرستیال ښاغلي الحاج شهزاده مظلوم يار، کانونو ریاست رئیس، د بېلا بېلو سکتورونو مسؤلينو او اداري مجلس غړو په ګډون ترسره شوه. په ناسته کې د لغمان ولایت د کانونو ریاست رئیس د خپلو خبرو په ترڅ کې د دې ولایت د کانونو ریاست دعوایدو د لوړوالي او په دې ولایت کې د کانونو د غیري قانوني، قچاق او له ساختماني موادو څخه د شخصي ګټې اخیستنې په اړه چمتو کړی ګزارش ولایتي ادارې رهبرۍ ته وړاندې کړ، او له ولایتي اداره څخه یې غوښتنه وکړه ترڅو د کانونو او ساختماني موادو د غیرې قانوني کېندنو او قچاق د مخنیوي لپاره ورسره همکاري وکړي.
د يادې موضوع په اړه مرستيال والي الحاج مظلوم يار مربوطه اورګانونو مسؤلينو ته دنده وسپارله، ترڅو د غيرې قانوني کېندنو او ساختماني موادو څخه د شخصي ګټې اخيستنې د مخنيوي په پار جدي پلټنې ترسره او ګزارش یې ولايتي اداري رهبرۍ سره شريک کړي.
او همدارنګه د والي مرستیال په لغمان ولایت کې د کانونو د عوایدو په راټولیدو او لوړیدو لپاره کمیټه جوړه کړه، ترڅو ټول ریاستونه د کانونو ریاست سره خپلې قانوني او لازمي هڅې ترسره کړي.
