د قطر هیواد له سفیر سره د کانونو او پټرولیم سرپرست وزیر ليدنه
د کانونو او پټرولیم وزارت سرپرست شېخ الحدیث شهاب الدین دلاور د قطر هیواد له سفیر سره د دغه وزارت د معینانو په شتون کې نن 4/5/1401 نېټې په خپل کاري دفتر کې ورسره وکتل.
په دغه ليدنه کې د کانونو او پټرولیم وزارت سرپرست شیخ الحدیث شهاب الدین دلاور د قطر سفیر او مل پلاوي ته د ښه راغلاست تر څنګ یې د افغانستان او قطر ترمنځ د دوستانه او ښو اړیکو یادونه وکړه او وویل: قطر هیواد په ښه او بد حالاتو او د قوي اړیکو په درلودلو سره د یو دوست هیواد او ورور په شان یې په دوامداره توګه له موږ سره همکاري کړې. چې د قطر هیواد دوامداره مرستې او همکارۍ به د افغانستان اسلامي امارت او وګړي هيڅکله هېرې نه کړي.
همدارنګه د قطر سفیر د کانونو او پټرولیم وزارت له مشرتابه څخه د دوی د مېلمه پالنې څخه مننه وکړه او وویل: د قطر دولت او خلک د اسلامي امارت او د افغانستان له خلکو او په ځانګړې توګه د کانونو له وزارت چې د هیواد په اقتصادي پرمختګ کې مهم رول لوبوي هر ډول مرستې او همکاریو ته چمتو دي. څو وکولای شي د خلکو په مرسته او همکارۍ له بهرنیو لاسوهنو او ملاتړ پرته یو پرمختللی او پر ځان بسیا افغانستان ولري.
په وروستیو کې د کانونو او پټرولیم سرپرست وزیر وویل: نن ورځ افغانستان ملي حاکمیت او ټولیز امنیت لري او دوی غواړي چې قطري شرکتونه د هېواد په بېلابېلو برخو کې پانګونه وکړي.
