د کانونو او پټرولیم وزارت سرپرست کندهار او هلمند ولایتونو ته سفر
د کانونو او پټرولیم سرپرست وزیر شېخ الحدیث شهاب الدین دلاور، مالي او اداري مرستیال مولوي حسام الدین صابري او مل پلاوي د چهار شنبې په ورځ د 4/8/1014 نېټې کندهار او هلمند ولایتونوته سفر وکړ.
د کانونو او پټرولیم وزارت سرپرست د یاد سفر په ترڅ کې د کندهار له والي سره په لیدنه کې پر بېلابېلو موضوعاتو خبرې وکړې. همدارنګه يې د یاد ولایت د کانونو له ریاست څخه لیدنه وکړه او د کارکوونکو د ستونزو په اړه یې ورسره خبرې وکړې. په ورته وخت کې د کرومایټ او د مرمر ډبرو له قراردادي شرکتونو سره هم خبرې وکړې.
د کانونو او پټرولیم وزارت سرپرست هلمند ولایت ته د خپل سفر په دوام د دغه ولایت له والي او مسوولینو سره د لیدنې پر مهال د دغه ولایت د کانونو له ریاست څخه لیدنه وکړه او د دغه وزارت لاسته راوړنې یې وستایلې او هغوی یې د خلکو او هېواد د خدمت لپاره وهڅول.
همدارنګه د هلمند د رخام ډبرو له ټولو پوره وړو شرکتونو سره خبرې وکړې او له دوی څخه یې وغوښتل چې خپل پورونو د ژر تر ژره ورکړي.
په پای کې د کانونو او پټرولیم وزارت سرپرست د هلمند ولایت د حجاري او نجاري فابریکې څخه لیدنه وکړه.
