د تخار ولایت سمتي سرو زرو کان آفرګشایي غونډه تر سره شوه
د سمتی سرو زرو کان چې مخکې د داوطلبۍ لپاره اعلان ته سپارل شو یوه، نن سه شنبه د 1402/2/5 نېټې د کانونو او پټرولیم وزارت سرپرست شيخ الحدیث شهاب الدین دلاور په مشرۍ د مرستیالانو، د ملي تدارکاتو ادارې استازو او په شرایط برابر داوطلب شرکتونو په شتون کې د آفرګشايي پروسه په شفافه توګه تر سره کړه.
د کانونو او پټرولیم وزارت سرپرست د غونډې ګډونوالو ته د ښه راغلاست په ترڅ کې د یادو کانونو د ظرفیت او مساحت او د اکتشاف، استخراج او پروسس پروسې په اړه خبرې وکړې او ویې ویل: چې په دې پروسه کې به هغه شرکت ګټونکی شي چې کاري تجربه او لوړ مالي او تخنیکي ظرفیت ولري.
په پام کې ده چې په نيږدې راتلونکي کې د پروپوزلونو ارزونې پایله اعلان شي.
