د لویو کاني پروژو حالت وارزول شو؛
د کانونو او پټرولیم وزارت ځای ناستي وزیر ښاغلي عنایت الله مومند، د لویو کاني پروژو عمومي ریاست له کارکونکو سره یو ځای، د لویو کاني پروژو حالت وارزاوه.
دغه ناسته چې د لویو کاني پروژو د پیاوړتیا او د شته خنډونو د حالت د ارزونې په موخه جوړه شوي وه؛ د ځای ناستي وزیر لخوا په لویو کاني پروژو کې د کاري چوکاټ برابرولو، د داوطلبۍ پروسې، د لویو کاني پروژو په پار د ورکړل شویو قراردادونو او د لویو کانونو سکټور د پراختیا او ننګونو په اړه اړین هدایات ورکړل شول.
