د ټاپي پروژې چارې په چټکتیا سره روانې دي
د کانونو او پټرولیم وزارت د مشرتابه د هڅو له امله، په هرات ولایت کې د ټاپي ګازو نللیکې پروژې د سرحد آباد برخې د جوړولو کار په چټکتیا سره روان دی.
د کانونو او پټرولیم وزارت هوډ لري چې دا پروژه نه یوازې په هرات ولایت کې بلکې په ټول افغانستان کې د دې پروژې د سمو پلانونو د ډیزاین او پلي کولو له لارې بشپړه کړي. د یادونې وړ ده چې په دې موده کې د سروې کار، د ګازو د نللیکې د لارې کیندل او پرانیستل، د کار ځای ته یې لیږدول، د ګازو د نللیکې لېږدول او نور خدمات ترسره شوي دي، چې زموږ لسګونو هېواد والو ته یې د کار زمینه هم برابره کړې ده.
