د کانونو او پټروليم وزارت سرپرست د MJAM کمپنۍ له رئيس سره وليدل
د کانونو او پټروليم وزارت سرپرست شيخ الحديث شهاب الدين دلاور د عنيک مسو له قرار دادي کمپنۍ MJAM له رئيس خه شو پينک او مل پلاوي سره د پنجشنبې په ورځ د 1402/5/19 نېټې په خپل کاري دفتر کې وليدل.
په دغه ليدنه کې دواړو لوريو د عینک مسوکان پروژې په پراختيا او انکشاف، د کاري برنامې په تشريح, د یاد کان د سرک جوړولو او د MJAM کمپنۍ په نوي کاري پلان په اړه سره بحث او نظرونه شریک کړل.
او همدارنګه د کانونو او پټروليم وزارت د عینک مسو د کان کېندنې چارو د چټکتيا تاکيد تر څنګ يې قرار دادي کمپنۍ ته وويل: د کانونو او پټروليم وزارت د عینک مسو پروژې د کار پېل لپاره هر ډول همکارۍ ته چمتو دی.
