د کانونو او پټرولیم وزارت سرپرست د جوزجان او سرپل ولایتونو له کانونو څخه لیدنه وکړه

د کانونو او پټرولیم وزارت سرپرست الحاج ملا هدایت الله بدري په داسې حال کې چې د جوزجان والي او کانونو رئیس یې ملتیا کوله د جوزجان او سرپل ولایتونو له کانونو څخه لیدنه وکړه.
د کانونو او پټرولیم وزارت سرپرست په جوزجان ولایت کې د باشکورد، طوطي میدان، چغچي، یتیم تاق د ګازو زېرمو، د سمنټو له کارخونې او په سرپل ولایت کې د قشقري، انګوت د تېلو زېرمو څخه لیدنه وکړه، د قراردادي شرکتونو مسوولینو ته یې د استخراج په برخه کې ځانګړې لارښوونې وکړې او د سیمو خلکو ته د کاري فرصتونو برابرولو په موخه یې ټینګار وکړ.
همدارنګه دیادو ولایتونو له خلکو سره یې د کتنې پر مهال د هغوی ستونزې او وړاندیزونه واورېدل د حل په موخه یې د همکارۍ ډاډ ورکړ سربېره پر دې یې په جوزجان ولایت کې د د شتې لیلې شهیدانو له مزار څخه د لیدنې پر مهال د هغوی روح ته دعا هم وکړه.