د کانونو او پترولیم سرپرست وزیر د نورستان ولایت له قومي مشرانو سره وليدل
د کانونو او پترولیم وزارت سرپرست وزیر شيخ الحدیث محترم شهاب الدین دلاور، د پنج شنبې په ورځ، چې د روان کال د جدې د میاشتې له (۳۰) سره سمون خوري د نورستان ولایت د قومي مشرانو سره ولیدل، پدې ليدنه کې د نورستان ولایت مخورو مشرانو د کانونو او پتروليم وزارت د سرپرست وزير له لاس ته راوړنو قدردانی وکړ او وروسته یې د نورستان ولایت دکانونو د استخراج په برخه کې د شته ستونزو په له منځه وړلو کې له سرپرست وزير څخه د همکارۍ غوښتننه وکړه.
سرپرست وزیر له خپلو خبرو او ښه راغلاست وروسته داسې وویل:ـ معدنونه د افغانستان د ټولو وګړو مال او بیت المال دی، د افغانستان معدنونه د داوطلبۍ د پروسې له لارې هغه شرکتونه په لاس راوړی شي،چې غوښتونکي يې وي.
له ټولو څرګندونو وروسته يې زیاته کړه،چې د کانونو او پترولیم وزارت به پدې برخه کې هر نوعه مشکلاتو ته لاس رسی کوي.
