د فاریاب ولایت اندخوۍ ولسوالۍ د مالګې داوطلبي
د کانونو او پټرولیم وزارت د فاریاب ولایت د اندخوۍ ولسوالۍ 100000 سل زره ټنه سپینه او 25000 پنځه ویشت زره ټنه پرخچه مالګې داوطلبي نن سه شنبه د 12/7/1401 نېټې د یاد وزارت د غونډو په تالار کې په شفافه توګه تر سره کړه.
د داوطلبۍ په دغه غونډه کې د کانونو او پټرولیم وزارت سرپرست شېخ الحدیث شهاب الدین دلاور، د مالي او اداري مرستیال ښاغلي مولوي حسام الدین صابري، د پالیسي مرستیال ښاغلي شېخ ضیاء الرحمن اریوبي، د جیولوجي سروې مرستیال ښاغلي نورالله ستانکزي، اوموظف هیئت، او 12 هغو شرکتونو ګډون درلوده چې د پروپوزلونو په ارزونه کې د داوطلبۍ شرایط پوره کړي وو.
په یاده داوطلبۍ کې د فاریاب ولایت داندخوۍ ولسوالۍ لس زره ټنه مالګې ګټونکی د نوي آریا شرکت د رویالټي په قیمت سره د 3200 درې زره او دوه سوه افغانیو په ارزښت شو. او پاتې نوره په مختلفو شرکتونو باندې په 3201 درې زره، دوه سوه او یوه افغانۍ وپلورله. او همدارنګه د یاد ولایت 25000 پنځه ویشت زره ټنه پرخچه مالګه د 1700 اولس سوه افغانیو په ارزښت په 3 دریو شرکتونو باندې وپلورله.
