د کانونو او پټرولیم وزارت اداري غونډه تر سره کړه
د کانونو او پټرولیم وزارت اداري غونډه د شيخ الحدیث شهاب الدین دلاور په مشرۍ د پلان او پالیسي مرستیال شیخ ضیاءالرحمن الاریوبي، د جیولوجي سروې مرستیال انجنیر نورالله ستانکزي، رئیسانو او د بېلابېلو برخو مسوؤلینو په شتون کې نن چهارشنبه د 6/2/1402 نېټې د وزارت د غونډو په تالار کې تر سره شوه.
د غونډې په پېل کې د تېرو غونډو پرېکړې وڅېړل شوې او د ګډونوالو د نظریاتو او وړاندیزونو له اوریدلو وروسته د کانونو او پټرولیم وزارت سرپرست د وزارت د چارو د چټکتیا او شفافیت په اړه لازمې لارښوونې وکړې. او همدارنګه یې په دغه ناسته کې د قیمتي او نیمه قیمتي ډبرو د طرزالعمل او په یو شمېر نورو مسایلو په اړه بحث او خبرې وکړې او لازم تصمینونه ونیول.
