د کب نهمه، د هېواد له ملي امنیتي او دفاعي ځواکونو څخه د ملاتړ ورځ دې، نېکمرغه وي
د کانونو او پټرولیم وزارت مشرتابه، د وطن ټولو رېښتینو سرتېرو او ساتونکو ته د کب ۹، د ملي امنیتي او دفاعي ځواکونو څخه د ملاتړ د ورځې مبارکي وایي او دوی ته د لوی خدای ج په دربار کې، د سولې، ثبات او دایمي امنیت او له ملي ارزښتونو څخه د ساتنې په برخه کې د ډېرو لاسته راوړنو دعا کوي.
د هېواد ملي امنیتي او دفاعي ځواکونو، د ترورېستانو او د افغانستان د خلکو او د سولې او ثبات د دښمنانو پر وړاندې خپلې سینې سپر ګرځولي او دښمن ته اجازه نه ورکوي چې خپلو شومو موخو ته ورسیږي.
د کانونو او پټرولیم وزارت د افغانستان د خلکو د ساتونکو او د هېواد د اصیلو بچیانو څخه د ملاتړ ترڅنګ، د دغو ځواکونو د اتلولۍ او سرښندنو قدرداني کوي او ددې خاورې د ریښتینو بچیانو د شهیدانو روح ته د فردوس جنت دعا کوي.
د هېواد د ملي امنیتي او دفاعي ځواکونو څخه د ملاتړ ورځ دې نېکمرغه وي
